Egia

Egian euskaraz bizi nahi dugulako

Zein gara gu? Nor gara gu?

Badira 25 urte Egiako bizilagunak auzoko euskararen egoera hobetu nahian biltzen hasi ginela. Urteetan zehar batzordeak aldaketak izan ditu eta askotariko ekintzak egin dira. Egian euskaraz eguna eta Korrika egunetatik harago joan nahian 2015ean abian jarri genuen Egian Euskaraz Bizi Nahi Dugulako ekimenak arrakasta handia izan zuen auzoan. Hemen eskuratu daiteke ekimen hartako informazio guztia hemen

Orain, ekimen horri jarraipena eman nahi diogu. Izan ere, auzoko euskararen erabileraren datuek argi erakusten dute euskararen sustapenean lanean jarraitu beharra dagoela.

Egiako euskara batzordean parte hartu nahi izanez gero idatzi egiaeuskaraz@gmail.com helbidera.

Egiako soziolinguistika datuak

Euskararen kale erabilera %
Ibilbidea	Euskararen kale erabilera	Gaztelaniaren kale erabilera	Beste hizkuntzen kale erabilera	Haurrak (2-14 urte)	Gazteak (15-24 urte)	Helduak (25-64 urte)	Adinekoak (65 urtetik gora)
Egia	14,2	84,4	0	29,3	13,5	13,5	2,2
*2016ko datuak. Kale erabileraren neurketa. Iturria: Soziolinguistika Klusterra

Auzoetako ekintza arrakastatsu eta berritzaileak:

Egia eskubaloiarekin lanketa

Egiako eskubaloi taldean auzoko haur eta gazte asko daude. Hori horrela, eragin eremu garrantzitsua denez, euskararen egoera zertan den aztertzeari ekin zaio. Zuzendaritza batzordearekin elkarlanean entrenatzaileak haur eta gazteen eredu diren heinean, euskararekiko motibazioa sustatzeko baliabideak eskaini zaizkie. Aurrera begira haiekin lanean jarraitzea aurreikusten dute.