Bagerakideen afaria abenduak 13an

Bagera Elkarteak bagerakideen afaria eta sari banaketa antolatu ditu abenduaren 13an

2024-11-22 - Bagera - Euskara Bagera afaria Bagera saria

Abenduaren 13an, ostiralean, Bagera Elkarteak Bagerakideen Afaria egingo du, euskararen aldeko komunitatea sendotzeko eta urtean zehar egindako merezimenduak aitortzeko helburuarekin. Afaria Kresala Elkartean egingo da, eta iluntzeko giro berezia izango du, musika protagonista dela.

Aurten, lehen aldiz, Bagera Saria banatuko da, urtean zehar euskararen alde egindako lan nabarmena saritzeko asmoz. Sariaren irabazlea Plazara Goaz Euskara Batzordea izango da, 25 urteko ibilbide oparoan Intxaurrondo auzoan euskararen alde egindako ekarpen eredugarria dela eta.

Afaria giro ederrean amaitzeko, musika ezin falta: Alberto Murua, Joxe Murua eta Pako Sexmilo arduratuko dira gaua alaitzeaz.

Bagera Elkarteak bertaratzeko gonbita luzatzen die Bagerakideei eta euskararen aldeko lanean aritzen direnei, elkarrekin ospatu eta indarrak batzeko. Sari-banaketaren eta afariko xehetasun gehiago jakinaraziko dira data hurbildu ahala. 

Afariak 20€ bakarrik balio ditu eta bertaratu nahi duen orok hurrengo formularioa bete besterik ez du egin beharko. ADI! Izen-ematea abenduaren 9an itxiko baita!

Donostiako euskal komunitatea sendotzeko bidean parte hartu nahi?