3, 2, 1 … ekin! Bideo lehiaketaren irabazleak

2022-01-17 - Bagera

Urtarrilaren 14an, 3, 2, 1 ... ekin! I. Bideo lehiaketaren sari banaketa egin dugu Larrotxene Kultur Etxean.

3, 2, 1 … ekin! Donostiako 12-16 urte bitarteko gazteei zuzendutako bideo lehiaketa izan da. Bertan, bideo baten bidez, parte hartzaileek, beraien jakintza, bereziki praktikoa, modu didaktiko batean azaldu dute.

Oso pozik gaude izandako harrerarengatik; 54 bideo tutorial aurkeztu dira eta  6 ikastetxek parte hartu dute egitasmoan (San Luis Lasalle, Mary Ward, Zurriola, Peñaflorida, Axular lizeoa eta Lauazeta).

Lehenik, publikoaren saria banatu dugu. Ikusleek abenduaren 20tik 27ra bozkatzeko aukera izan zuten bageraren webgunearen bitartez.

273 bozka jaso ziren orotara. Hona hemen 3 bideo bozkatuenak:

• Dark play aplikazioa nola erabili Jeffry Joel Salgado Sanchez. Ikastetxea: Peñaflorida.
• Non flotatzen dugu gehiago, itsasoan edo igerilekuan?  Carla Urbistondo. Ikastetxea: Mary Ward.
• Nola egin hizkuntzen kaxa bat Inge Ugarte, June Muñoze, Iraia Munarrize eta Lide Lobo. Ikastetxea: Peñaflorida.

Bigarrenik, epaimahaikideen saria banatu dugu.

Epaimahaikideak honako hauek izan dira: Lander Arretxea Bereziartua (Hiru damatxo), Aiora Mujika San Sebastian (Probatxo) eta Ander Edo Martin.

Hona hemen 3 bideo finalistak:

• Torrijen errezeta Sara Bastida eta Auria Zugasti. Ikastetxea: Zurriola.
• Minecraften burdin makina nola egin Unai Llorens Merino. Ikastetxea: San Luis Lasalle.
• Non flotatzen dugu gehiago, itsasoan edo igerilekuan?  Carla Urbistondo. Ikastetxea: Mary Ward.