Ahobizi eta belarriprestentzako formakuntza saioak

Jaso 11 egunetan zehar belarriprest eta ahobizi izateko tresna eta aholkuak

2018-12-12 - Bagera

Ikasturte honetan 25 urte beteko dira lehen mintzalagun taldeak martxan jarri zirenetik. Donostiako Bagera elkarteko kideek sortu zuten egitasmoa, eta ordutik Euskal Herrian barrena hedatu dira mintzalagun, berbalagun, solaslagun zein mintzakideak. Duela 25 urte, dozena bat lagun hasi ziren Donostian, eta gaur egun 400 lagunetik gora dira astero hirian euskaraz aritzeko elkartzen direnak. Euskal Herrian, guztira 7.500 mintzalagun daude 120 herri eta hirietan.

Urteurrena ospatzeko, azaroaren 23an 19:00etan, Euskaraldia ekimenari hasiera emango dion ekitaldian, leku berezia eskaini nahi diogu Mintzalaguna egitasmoari Bulebarrean jarriko den karpan.

Ekitaldi berezi honen ondoren, luntxa izango da.

Ahobizi direnek euskaraz egingo diete ulertzen duten kide guztiei, 11 egunez, aurrez aurre zein telefono, email edo sare sozialen bidez. Belarriprest direnek, beraiekin euskaraz aritzeko gonbidapena egingo diete gainontzeko kideei. Kontua ez da euskararen alde egotea edo euskara jakitea / ulertzea, ariketa gauzatzeko prest egotea baizik.

Ariketa honek ez-ohiko egoerak sortuko ditu, tarteka deserosoak ere izan daitezkeenak (elkarrizketa elebidunak, beti erdaraz ezagututako gertuko kidearekin euskaraz egitea, eta abar). Horregatik, azaroaren 23a baino lehen herritarrak prestatzea funtsezkoa izango da, gertatuko diren kasu horietan nola jokatu jakin dezaten. Tresnak emateko, bi bide nagusi landuko ditugu: aholkuak zabaldu, komunikazio euskarrien bidez, eta tailerrak eskaini.

Helburua:

  1. Ahalik eta herritar gehien prestatzea, praktika berrietan eroso senti daitezen. Batez ere, euskalgintzan eta Euskaraldia batzordeetan murgilduta ez dauden herritarrentzako izango dira tailerrak egokiak.
  2. Borondatezko herritarren sarea trinkotzea, komunitatearen lanaren bidez, eta pertsona horiek eduki eta diskurtsoetan janztea.

PRESTAKUNTZA SAIOAK

Saio arinak (1,5h)

Ahobizientzako saioak:

  1. saioa: Azaroak 9 |18:00-19:30 | Bagera Elkartean (Hernani kalea 15, behea).
  2. saioa: Azaroak 19 | 19:00-20:30 | Bagera Elkartean (Hernani kalea 15, behea).

Belarriprestentzako saioak (2 aukera):

  1. saioa: Azaroak 12 | 19:00-20:30| Bagera Elkarten (Hernani kalea 15, behea).
  2. saioa: Azaroak 16 |18:00-19:30 | Bagera Elkartean (Hernani kalea 15, behea).

Saio sakonak (4h)

* Ahobiziak eta belarriprestak elkarrekin

  1. saioa: Azaroak 10 | 09:30-13:30| San Telmo Museoan.
  2. saioa: Azaroak 17 | 09:30-13:30| San Telmo Museoan.

Izen ematea:

donostia@euskaraldia.eus / 943005074