Izarrak Plazara abenduko ikuskizuna

Ametsak amets, eskakizunak… amets

2017-01-10 - Bagera

Ekainaren 18an Izarrak Plazara talentu lehiaketaren V. edizioaren finala ospatu genuen Intxaurrondo Kultur Etxean Plazara Goaz Intxaurrondoko Euskara Batzordearekin, Donostiako Euskara Zerbitzuarekin eta Donostia Kulturarekin elkarlanean.

Sarietako bat epaimahaiko kideekin batera ikuskizun bat prestatzea zen, eta 7 parte hartzaile izan ziren aukeratuak:

2016ko abenduaren azken astean, Ainhoa Aierbe eta Edu Muruamendiarazen gidaritzapean, “Ametsak amets, eskakizunak… amets” ikuskizuna prestatzeko aukera izan zuten (100 Hitz literatura lehiaketan irabazitako testuetan oinarritua). Guztira 10 ordu izan zituzten prestaketa lanetarako (astelehenetik ostiralera 2 ordu eguneko) eta ostiralean bertan arratsaldeko 18:00etan Intxaurrondo Kultur Etxean ikusi ahal izan genuen prestatutako obra.