Mintzalagunentzako eskaintza
Egin zaitez bagerakide eta lagundu euskararen normalizazioan
2016-09-01 - Bagera
Bagera Donostiako Euskaltzaleen Elkartea 1991ko abenduaren 14an sortu zen. Ordutik, Bagera Elkartearen helburu nagusia euskaraz bizi ahal izatea eta euskarari bizitza ematea izan da. Bide horretan elkartea osatzen duten ehunka bagerakideen laguntza ezinbestekoa izan dugu eta aurrerantzean ere izango dugu. Bide luzea dugu oraindik egiteko eta zure laguntzari esker lortuko dugu!
Zergatik izan Bagerakide?
Euskaraz bizi nahi dugulako. Hiri euskaldunagoa eraikitzeko. Edozein gai euskaraz lantzeko aukera dagoela erakusteko. Ideia berriak sortzeko aukera izateko. Donostiako ekitaldi nagusietan euskararen erabilera bermatu dadin eskatzeko. Mintzalagunak trebatzen euskaraz egiteko aukera izateko. Hizkuntza ohiturak aldatzeko, hunkitzeko, ekiteko!
Bagera elkartea behar dugu, eta denon artean eraikitzen jarraituko dugu.
Mintzalaguna egitasmoan parte hartu behar duzuen Mintzalagunei eskaintza berezia egin nahi dizuegu:
- Urteko bazkidetzan %50eko deskontua: urtean 17,5 euroren truke Bagerakide izateko aukera
- Ongi etorri opari esklusibo bat jasoko duzue: katilu bat edo poltsa bat aukeran
- Bagerakideen abantailez gozatu ahal izango duzue:
- Donostian antolatzen diren ikuskizunetarako sarreren zozketan parte hartzeko aukera
- Bagerak salgai duen materialean deskontuak
- Bagerakideen buletina jasoko duzue hilero
- Asteko jardueren informazioa jasoko duzue astelehenero
GUK, NORK BESTELA!