Donostiako Euskaltzaleon Topaketak (DET)

Elkar gaitezen, entzun gaitzaten

Bagera Elkarteak Donostiako Euskaltzaleon Topaketak antolatu ditu “Elkar gaitezen, entzun gaitzaten” izenburupean azaroaren 16an, San Telmo Museoan 9:30etik 13:30era.

Donostia hiri euskalduntzat hartzen bada ere, 2016an egindako neurketek argi adierazi ziguten euskararen erabilera beheranzko joeran doala eta herritar zein eragile askoren kezka nagusia da hiria jasaten ari den aldaketen baitan euskararen trataera zein den eta etorkizunean zein izango den. Izaera ezberdina duten hamarnaka eragile dabiltza egoera hori aldatu nahian: erakunde publikoak, elkarteak, ikastetxeak, euskaltegiak, auzo batzordeak eta abar. 2018ko Euskaraldiak hiria astindu zuen eta norbanakoengan jarri zuen fokua.

Kezka partekatzen duten eta egoera aldatzeko gogoz daudenen artean eztabaida partekatu eta sare zabal eta anitzean lantzea da asmoa, izan entitate edo norbanako, parte hartze prozesu bat jarri nahi dugu martxan; batetik, partekatu, hausnartu, gogoetatu eta elkarrizketak izateko espazioak eskaintzeko, eta bestetik, Donostiako euskaltzaleen mugimendua osatzeko oinarriak zeintzuk izan behar diren erabakitzeko.   

Ondoren bazkaria egingo dugu Parte Zaharreko Arrano Beltza Euskaltokian.



Xehetasunak

  • 2019-11-16
  • 09:30
  • San Telmo Museoa (Plaza Zuloaga, 1 - Donostia - Gipuzkoa)
  • Bagera Elkartea